ಪರಿತ್ಯಾಗ

ರೆಪ್ಪೆ ಅಪ್ಪಳಿಸಿದ ಘಳಿಗೆ
ಕಣ್ಣು ಕುಕ್ಕುವಷ್ಟು ಕತ್ತಲು
ಮೈತುಂಬ ಇರುಳಿನ ಚಾದರು
ಎಷ್ಟು ಹೊರಬರುವ ಯತ್ನ ಮಾಡುವೆನೋ
ಅಷ್ಟು ಜಾರಿಕೊಳ್ಳುವ ಲಾಲಸೆ
ತಲೆಸುತ್ತ ಗಿರಗಿರ
ತಿರುಗುತಿರುವ ಯೋಚನೆ
ಒಂದು ಕ್ಷಣ ಇದ್ದರೆ ಇನ್ನೊಂದು ಕ್ಷಣ ಹಾರುವದು
ಬಿಡದೆ ಹಿಡಿಯುವ ದೇಹ
ಸಡಿಲವಾಗುವ ಚಿತ್ತ
ದೃಷ್ಟಿ ಕಂಡಿರುವದೊಂದು
ನೋಡುತಿರುವೆನು ಎತ್ತ
ನಿಲ್ಲಲೇ ನಾನಲ್ಲೇ
ಇಲ್ಲ ಹೊರಬರಲೇ
ಅವುಚಿ ಕುಳಿತಿದ್ದೆ ಹೀಗೆ
ಪರಿತ್ಯಾಗದ ಹಾತೊರೆಯುವಿಕೆಯಲಿ - VV