ಕಪ್ಪು ಬೆಳಕು:

ಕರಿಚುಕ್ಕೆಯೊಂದು ಕಣ್ಣ ಮುಚ್ಚಿದಲ್ಲಿ
ಹಣೆಮೇಲೆ ಕುಣಿಯುತಿತ್ತು ।
ಕುಣಿ ಕುಣಿದು ಪಸರುತಿತ್ತು ॥

ಮಡಚಿರುವ ತೊಡೆಯ ಬಿಗಿ ಜಾಡದಲ್ಲಿ
ಹೆಡೆಮುರಿಗೆ ಹಿಡಿಯುತಿತ್ತು ।
ಜಗದರಿವ ಸಡಿಲಿಸಿತ್ತು ॥

ಕಸುವಾದ ಮಣ್ಣ ಹಸನಾದ ಬಣ್ಣ
ಸಿಗ್ಗಿನ ಬೀಜ ಬಿತ್ತುತಿತ್ತು ।
ಹೊಸಪೈರು ಬೆಳೆಯುತ್ತಿತ್ತು ॥

ಡಮರಿನಾ ನಾದ ಈಶನಾ ವೇದ
ಮೈ ಹೊಕ್ಕಿ ಅದುರುತಿತ್ತು ।
ತಾಂಡವಾ ತೋರುತಿತ್ತು ॥

ನನಗಿಲ್ಲ ಬ್ರಹ್ಮ ನನ್ನರಿವು ಜಂಗಮ
ಗೂಢಾರ್ಥ ತೆರೆಯುತ್ತಿತ್ತು ।
ತನ್ನತ್ತ ಸೆಳೆಯುತಿತ್ತು ॥ - VV

(As abstract as what I experienced recently...)