Intense look

ನಿನ್ನ ನೋಟ ಮೋಡಗಳ ತೆರೆಗಳಂತೆ 

ಹಿಂಡು ಹಿಂಡಾಗಿ ಬಂದು 

ಧಗಿಸುವ ಒಂಟಿತನದ ಜ್ವಾಲೆ 

ಮುಚ್ಚಿ ಹಿಂದೆ ಸರಿದಂತೆ 

ಬೇಗೆ ಜಾಸ್ತಿಯಾದಾಗ 

ಕಾರ್ಮೋಡಲೋಪಾದಿ 

ಪ್ರೀತಿಯ ಮಳೆಯ ಹುಯ್ದಂತೆ 

ಮುದ್ದು ಮಳೆ ಅತಿಯಾಗಿ 

ವ್ಯಾಜ್ಯಕ್ಕೆ ಬಂದು ನಿಂತಾಗ 

ಬಾಲಿಶತನವ ಕೊಚ್ಚಿ ಕೊಂಡ್ಹೋದಂತೆ

ಉಬ್ಬರದ ಅಬ್ಬರ ಕಡಿಮೆಯಾಗಿ 

ಚಂಡಮಾರುತದನಂತರದ 

ಹಿತವಾದ ನೀರವತೆಯಂತೆ 

ಪುನಃ ಜೀವಕಳೆಯಾಗಿ

ಹಸಿ ಮನದಲ್ಲಿ ಚಿಗುರೊಡೆಯುವ 

ಆಸೆಯ ಸಸಿಯಂತೆ 

ಗಿಡ-ಮರವಾಗಿ ಹೆಮ್ಮರವಾಗಿ 

ಅನುರಾಗ ಸೂಸುವ 

ಪ್ರೇಮ ತಂಗಾಳಿಯಂತೆ 

ನಿನ್ನ ನೋಟ ಚಂದಿರನ ಚಂಚಲ ಕಿರಣಗಳಂತೆ - VV