Eulogy

ಕೈ ತುಂಬ ಕೆಲಸ, ತಲೆ ತುಂಬ ವಿಚಾರಸ್ರಾವ
ಏನೂ ಮಾಡಲಾಗದೆ
ಹೀಗೆಯೇ ಕೂತುಬಿಡಬೇಕೆನ್ನಿಸುವದು
ಯೋಚನೆಗಳ ಬುರುಗು, ದೊಡ್ಡದಾದಂತೆ ಉಕ್ಕಿ ಒಡೆಯುವ
ಬಂಜೆ ಗುಳ್ಳೆಗಳು
ಕಲ್ಪನೆಯ ತೇವಗೊಳಿಸಿ, ಕಲೆಯನುಳಿಸಿ ಆರಿಹೊಗುವವು
ಯಾರಾದರೂ ಮಾತನಾಡಿಸಿದಾಗ
ಮೂಡುವ ಬಣ್ಣಗೆಟ್ಟ ಮುಗುಳ್ನಗೆಯ
ಬಿಳಿಯ ಶವಚ್ಛಾದನದ ಜೊತೆಗೆ
ಹೂತುಬಿಡಬೇಕೆನ್ನಿಸುವದು
ದಫನಾದಿ-ಅಂತ್ಯಗಳ ನಂತರ
ಪುನಃ ಗುಲಾಬಿಯ ಸಸಿಯಿಟ್ಟು ನೀರೆರಚಿ
ಮಣ್ಣಿನಲಿ ಸೂಸಿದ ಕಂಪನ್ನು
ಯಾರಿದು ಮೂಸಿನೋಡುತಿರುವದು? -VV