ನನ್ನವಳು ಆಗಬೇಕಿದ್ದವಳು

ನಾ ಕೈ ತೂರಿ ಗುಡ್ಡೆ ಮಾಡಿದ
ಮರಳು ಮನೆಯಲ್ಲಿ
ಕಿರುಬೆರಳು ಹಾಕಿ
ಬೆಳಕಿಂಡಿ ಮಾಡಿದವಳು
ಜೊತೆಗೇ ಕಚಗುಳಿ ಇಟ್ಟವಳು

ನಾ ಬಿಟ್ಟ ಕಾಗದದ ದೋಣಿ
ಮುಂದೆ ಸಾಗಿಸಲು
ಬೆರಳ ಹುಟ್ಟು ಹಾಕಿದವಳು
ಅದು ಕೊಚ್ಚಿ ಹೋಗಲು
ಮಳೆಯಲ್ಲಿ ನನ್ನ ಕಣ್ಣೊರೆಸಿದವಳು

ಕುಂಟಾಟ ಆಡುವಾಗ
ಬೇಕೆಂತಲೇ ಕೈಗೆ ಸಿಕ್ಕಿ
ನನ್ನ ಕೈಗೂ ಮನಸ್ಸಿಗೂ
ಮುದಗೊಳಿಸಿದವಳು
ಕೈ ಕೊಸರಿಕೊಳ್ಳುವ
ಹುಸಿ ಕೋಪ ತೋರಿಸಿದವಳು

ಹರೆಯದ ಹುಚ್ಚು ಹಿಡಿಸಿ
ಕಣ್ಣಿಂದಲೇ ಜೀವ ಮಿನುಗಿಸಿದವಳು
ಪ್ರಾಣ ನನ್ನಲ್ಲಿದೆಯೋ ಅವಳಲ್ಲಿದೆಯೊ
ಅರಿವು ಮರೆಸಿದವಳು

ನನ್ನವಳು ಆಗಬೇಕಿದ್ದವಳು
ಕನಸಿನಲ್ಲೇ ಉಲಿದವಳು
ಬದುಕ ಮಾಯೆ, ಸೊಬಗಿನ ಜೊತೆ
ಮನಸಿನಲ್ಲೇ ಉಳಿದವಳು

-VV

Ignorance

ನನಗ್ಗೊತ್ತಿಲ್ಲವಾದದ್ದು ಬಹಳವಿದೆಯಾದರೂ
ಗೊತ್ತಿಲ್ಲದ್ದು ಗೊತ್ತಾಗುವವರೆಗೆ ಕಾಯಬಹುದು
ಗೊತ್ತಿಲ್ಲ-ಇದು ಗೊತ್ತಾಗಬೇಕೀಗಲೇ.

-VV

I know not, a lot.
What I don't know can
wait to be known.
'I don't know'-this
I need to know now!

-VV

untouchable

ಮನುಷ್ಯ.ರಿಗಿಂತ ಬೇರೆಯಾಗಿ ನೋಡಿದವರೇ
ತಮ್ಮ ದೇವರನ್ನು ಅಸ್ಪೃಶ್ಯನನ್ನಾಗಿ ಮಾಡುವದು
-VV

Why separate your God from the human, and make him untouchable?
-VV

Pretention

ನೀನಲ್ಲದೇ ಇರುವುದನ್ನು ಇಲ್ಲವಾಗಿಸುವದು ನೀನಿದ್ದ ಹಾಗಿರುವದಕ್ಕಿಂತ ಸುಲಭ. ಪ್ರಯತ್ನಿಸಿ ನೋಡು. - VV

Not being what you are not is easier than being yourself. So try it. - VV

ಪ್ರೀತಿ

ಅವನ ಪ್ರೀತಿ ಎಂತಹದು ಅಂತೀರಾ?
ಇಷ್ಟು ದಿವಸ ತಾನಿಲ್ಲದೆ ಬದುಕದವಳು ಏನೋ ಒಂದು ತಪ್ಪು ಮಾಡಿದಳು ಎಂದ ಮಾತ್ರಕ್ಕೆ ತನ್ನನ್ನು ತಾನೇ ದೂರ ಮಾಡಿ ತಾನಿರದೇ ಅವಳಿಗಾಗುವ ಚಿತ್ರಹಿಂಸೆಯನ್ನು ನೆನೆಸಿಕೊಂಡು ಸುಖಿಸುವ ವಿಚಿತ್ರ ಮ್ಯಾಸೋಕಿಸಂ.

ಅವಳದೂ ಕಡಿಮೆಯೇನಿಲ್ಲ.
ಅವನಿಗಾಗುವ ಅಂತಹ ಖುಷಿಗಾಗಿಯೇ ತಾನು ಇನ್ನೂ ಸ್ವಲ್ಪ ಕಷ್ಟ ಅನುಭವಿಸಿ ಅವನಿಗೇ ತೋರಿಸುವ ವಿಲಕ್ಷಣ ಏಕ್ಸಿಬಿಶನಿಸಂ!

Whip

It is best to endure the words; because silence can hit you harder

- VV